Gjennom fire samlingar har mangfaldet av aktørar i planprosessar møttest for å bli klokare på ulike roller i ein planprosess.
– Planprosessar vert ofte kompliserte og motsetnadsfylte. Målet med seminarrekka har derfor vore å skape større forståing mellom dei ulike aktørane som tek del i planarbeidet, seier Morten Storebø, næringspolitisk rådgjevar i Bergen Næringsråd.
Nancy Jøssang er dagleg leiar i Opus. Ho fortel at nøkkelen til å betre byutvikling er betre samhandling:
– Samhandlingskompetanse er nøkkelordet. Eit viktig, første steg er å samle aktørane på kryss og tvers av privat og offentleg sektor rundt same bordet. Det er nettopp dét vi har klart med «Plan-ferdig-GÅ!». Vi håpar å ha bidrege til å bygge tillit og auke samhandlingskompetansen, seier Jøssang.
«Plan-ferdig-GÅ!» har vore arrangert av Bergen Næringsråd i samarbeide med Opus.
Sunniva Samdal, seksjonsleiar i Plan- og bygningsetaten i Bergen kommune, meiner Plan-ferdig-GÅ! har vore ein god møteplass mellom offentleg sektor og private utbyggjarar og konsulentar.
– Det er positivt med arenaar kor vi kan drøfte aktuelle problemstillingar, uavhengig av dei konkrete sakene som vi har til handsaming. Frå kommunen si side er det viktig å vise at vi har ei open dør og at vi er oppteken av godt samarbeid, seier Sunniva Samdal.
Fører dette til betre samarbeid og kjappare planprosessar, eller blir det med snakket? Det er naturlegvis for tidleg å seie. Ei gjennomgåande tilbakemelding er likevel at «Plan-ferdig-GÅ!» har lukkast med å samle dei ulike bidragsytarane i planprosessen, og sett fokus på viktige punkt som er avgjerande for å forstå kva vi alle bringe til bords i planutviklinga.
– Dette har vare ei fin anledning til å utvide nettverket og til å få innsikt frå ulike perspektiv og roller. Innlegga frå aktørane gjennom samlinga har vist kor kompleks ei vellykka utviklingsprosess er. Vi lykkast best der alle tenkjer gjennom kva det vil seie å skape ein god by, gode nabolag, og der vi får til god samhandling mellom ulike aktørar, seier Nancy Jøssang.
Takk for flotte samlinger!
