Velkomen til Jakop Kjellstad og Jakob Monsen Hjelmeland som våre nye studentpraktikantar denne hausten!
Kvart semester sidan 2008 har Bergen Næringsråd hatt praksisstudentar frå Samanliknande Politikk i samarbeid med Universitetet i Bergen. Gjennom praksisopphaldet får studentane moglegheiten til å nytte kunnskap og teori lært på studiet i praksis, samtidig som vi får litt meir arbeidskraft.
- Eg søkte om praksisplass fordi eg ønskte ein større variasjon i ein teoretisk skulekvardag og fordi eg ønskte å tileigne meg verdifull arbeidserfaring. Bergen Næringsråd var mitt førsteval sidan eg ønskjer å få ei betre innsikt i korleis næringslivet i Bergensregionen fungerer, samt fordi eg ønskte ein praksisplass med varierte arbeidsoppgåver. Her har eg også gode moglegheiter til sjå korleis kunnskapane mine frå studiet kan nyttast i praksis, seier Jakob.
- For meg er dette ein unik moglegheit for å nytte min kunnskap og interesse for berekraft, næringsliv og politikk. Eg ser fram til å bli utfordra på nye måtar, og få ei innsikt i samanheng mellom det private og offentlege. Bergen Næringsråd er dermed den perfekte praksisplass. Eg ser fram til et spennande semester saman med Jakob, legg Jakop til.
I løpet av hausten skal studentane delta i den daglege drifta av Bergen Næringsråd og i planlegging og gjennomføring av ulike arrangementer. Studentane skal også skrive ein større rapport om eit prosjekt i samarbeid med utvalde ressursgrupper i Bergen Næringsråd.
